Министрлык экологлары Буа районында рөхсәтсез зур чүплек таптылар

2025 елның 4 июне, чәршәмбе

Буа районы территориясен тикшергәндә Идел аръягы идарәсе инспекторлары Мөкрәле авылында табигатьне саклау законнары таләпләрен бозуны ачыкладылар.

Авыл хуҗалыгы билгеләнешендәге җирләргә караган җир кишәрлегендә гомуми мәйданы 3 909 кв.м, күләме 6 254 куб.м булган чүплек урнаштырылган.

Әлеге җир кишәрлекләре Россельхознадзор тарафыннан тикшереп торылганлыктан, ачыкланган хокук бозу буенча материалларны экологлар чаралар күрү өчен хезмәтнең Татарстан Республикасы буенча идарәсенә җибәрделәр.