Экология министрлыгы инспекторлары юл полосалары буенча рейд барышында чүплекләрне ачыкладылар

2025 елның 3 июне, сишәмбе

Кама аръягы идарәсе инспекторлары «Юл хәрәкәте куркынычсызлыгы» ДБУ белән берлектә юл буендагы полосаларның экологик торышын тикшерделәр. Сарман районында экологлар тарафыннан 2 рөхсәтсез чүплек ачыкланды.

Иске Кәшер авыл җирлегендә 76 кв.м мәйданлы терлекчелек калдыклары чүплеге табылды.

Баткак авылында 23 кв.м мәйданда автомобиль шиннары чүплеге табылды.

Экология министрлыгы инспекторлары чүплекләрне бетерү кирәклеге турында кисәтү җибәрү өчен хокук бозулар ачыкланган җир кишәрлекләренең милекчеләрен билгели.