Экологлар Азнакай районында законсыз рәвештә чыгарылган карьерны таптылар

2025 елның 23 мае, җомга

Халык мөрәҗәгате буенча Ык буе идарәсе инспекторлары Азнакай районының Чалпы авыл җирлеге территориясенә чыктылар. Тикшерү барышында әлеге участокта файдалы казылмалар - ком-гранит катнашмасын законсыз чыгару өчен карьер эшкәртү эшләре алып барылуы ачыкланды. Карьерның мәйданы – 1 126 кв. м, тирәнлеге – 2,15 м. Территорияне тикшерү вакытында махсус техника юк иде.

Азнакай районы башкарма комитеты адресына мәҗбүри таләпләрне бозмаска һәм законсыз рәвештә чыгаруны туктатырга кирәклеге турында кисәтү җибәрелде.