Татарстанда апрель аенда «Утильләштерү мәктәбе: электроника» проектын гамәлгә ашыру кысаларында 8 тонна электролом җыелган. Ел башыннан утильләштерүгә 45 тоннадан артык электроника җибәрелгән
2025 елда Татарстан Республикасында «Экологик иминлек» илкүләм проектына ярдәм йөзеннән «Утильләштерү мәктәбе: электроника» программасын гамәлгә ашыру дәвам итә. Апрельдә программа кысаларында 8 тонна электрон һәм электр җиһазлары җыелган һәм утильләштерүгә чыгарылган. Акциядә Казаннан, республиканың Арча һәм Питрәч районнарыннан 10 бюджет оешмасы катнашкан. Апрель аенда программага тагын 20 бюджет оешмасы кушылган.
2025 ел башыннан проект кысаларында 47,5 тонна электрон һәм электр җиһазларын җыеп, утильләштерүгә җибәреп булган. Республиканың 21 муниципаль берәмлегеннән 82 бюджет оешмасы шундый күләмдә техника тапшырган.
Федераль программа халыкка үз срогын үтәгән техниканы экологик һәм уңайлы итеп эшкәртүгә тапшыру мөмкинлеген бирә. Катнашу өчен Фондның www.eko-fond.ru сайтында «Утильләштерү мәктәбе: электроника» проектында теркәлергә кирәк. Утильләштерүгә тапшыру өчен түбәндәгеләр ярый:
• компьютер һәм офис техникасы
• көнкүреш техникасы
• электр инструменты
• станоклар
• фәнни һәм медицина техникасы
• телефоннар һәм шәхси гаджетлар
• запас частьләр һәм аксессуарлар.
Батареяларны, радиация билгесе белән тамгаланган җиһазларны, лампаларны кабул итеп булмый. Программа кысаларында Фонд, техниканы исәптән чыгару өчен актлар биреп, җиһазларның техник торышына (шул исәптән медицина торышына) түләүсез экспертиза үткәрә.
2025 елда Татарстан Республикасында «Утильләштерү мәктәбе: электроника» федераль экологик программасын үткәрү графигы белән сез безнең сайтта «Файдалы мәгълүмат» бүлегендә: https://eco.tatarstan.ru/egkoloicheskaya-programma-shkola-utilizatsii.htm, шулай ук Фонд сайтында: https://eko-fond.ru/electronics/schedule/#city-12 таныша аласыз.
Сораулар туган очракта, программа координаторы белән +7 (965) 176 32 19 телефоны яки tatarstan@eko-fond.ru эл. почтасы буенча элемтәгә керергә кирәк.
Программаны үткәрү нәтиҗәләре буенча 2025 елда иң актив һәм экологик юнәлешле оешмалар рейтингы төзеләчәк, бүләкләр һәм ведомство бүләкләре тапшырылачак.