Экологлар юл буе полосаларында табигатьне саклау законнарын бозуның өч очрагын ачыкладылар
Санитар икеайлык кысаларында Экология министрлыгының Кама буе идарәсе инспекторлары, «Юл хәрәкәте иминлеге» ДБУ белгечләре белән берлектә, юл буендагы полосаларга күчмә тикшерү үткәрделәр.
Тикшерү барышында Минзәлә районында рөхсәтсез өч чүплек ачыкланды.
Калдыкларны беренче тапкыр законсыз туплау Җәмәк авылында табылды. Чүплекнең мәйданы - 109 кв.м, күләме - 85 куб.м. Наратлыкичү авылы янында көнкүреш калдыкларын рөхсәтсез җыюның икенче урыны ачыкланды. Хокук бозуның гомуми мәйданы - 382 кв.м, күләме -192 куб.м. 28 кв.м мәйданлы өченче чүплек Кадрәк авыл җирлегендә табылды.
Барлык өч кишәрлек тә авыл хуҗалыгы билгеләнешендәге җирләргә кергәнлектән, материаллар, чаралар күрү өчен, Россельхознадзорның Татарстан Республикасы идарәсенә җибәрелде.