ТР экология һәм табигать ресурслары министры урынбасары итеп Илнур Насретдинов билгеләнде
Татарстан Республикасы Премьер-министры Алексей Песошинның 2025 елның 19 маендагы күрсәтмәсе нигезендә ТР экология һәм табигать ресурслары министры урынбасары вазыйфасына Илнур Насретдинов билгеләнде. Бүген министрның яңа урынбасарын ведомство коллективына тәкъдим иттеләр.
Илнур Мөнир улы Насретдинов югары белемле: Казан дәүләт авыл хуҗалыгы академиясен тәмамлаган, шулай ук КФУның Дәүләт һәм муниципаль идарә югары мәктәбендә укыган.
Илнур Мөнир улының һөнәри юлы Казан шәһәре башкарма комитетының Җир һәм милек мөнәсәбәтләре комитетының муниципаль җир контроле белгече вазыйфасында эшләүне үз эченә ала. Соңрак ул Киров һәм Мәскәү районнары администрациясендә торак массивлары белән эшләү бүлеген җитәкли. 2021 елның гыйнварыннан ТР Экология һәм табигать ресурслары министрлыгының икътисад һәм проект эшчәнлеге идарәсе башлыгы вазифасын башкара.
Министр урынбасары вазыйфасында Илнур Насретдинов Татарстан Республикасы Яңа Чишмә районы башкарма комитеты җитәкчесе вазыйфаларын башкаручы итеп билгеләнгән Егор Александрович Тарнавскийны алмаштырды.