Экология министрлыгы инспекторлары Түбән Камада 3 чүплек таптылар
Түбән Кама шәһәре территориясендә санитар-экологик икеайлык кысаларында Кама аръягы идарәсе инспекторлары хокук бозуларны ачыкладылар.
Омшы елгасының су саклау зонасында асфальт һәм асфальт-бетон өслекләр, бетон әйбер ватыклары, җир грунты чүплеге табылды. Чүплекнең гомуми мәйданы – 649 кв.м, күләме – 194 куб.м.
Җир кишәрлегендә өлешчә Омшы елгасының су саклау зонасында шундый ук калдыклардан тагын бер чүплек табылды. Чүплекнең мәйданы – 461 кв.м, күләме – 138 куб.м.
Елга буендагы җир кишәрлегендә дә шундый ук составтагы калдыклар ташлануы ачыкланды. Пычрануның гомуми мәйданы – 2 301 кв.м, калдыклар күләме – 1 150 куб.м.
Түбән Кама районы башкарма комитетына хокук бозуларны булдырмау һәм чүплекләрне бетерү кирәклеге турында кисәтү ясалды.