Әлки районында яшәүчеләрнең мөрәҗәгате буенча Экология министрлыгы инспекторлары тарафыннан зур чүплек ачыкланды

2025 елның 8 мае, пәнҗешәмбе

Татарстан Республикасы Экология һәм табигать ресурслары министрлыгына кире элемтә платформасы системасы буенча Әлки районының Базарлы Матак авылында Дорожная урамында чүп-чар җыю урыны турында мөрәҗәгать килде. 

Идел-Кама идарәсе инспекторлары территорияне тикшерү барышында полиэтилен савыт калдыкларыннан, төзелеш һәм ремонт эшләре калдыкларыннан санкцияләнмәгән чүплек таптылар. Пычранган кишәрлекнең гомуми мәйданы – 500 кв.м, туплау күләме – 100 куб.м.

Экология министрлыгының Идел-Кама идарәсе инспекторлары Базарлы Матак авыл җирлеге башкарма комитетына карата табигатьне саклау законнарын бозуның ярамавы һәм санкцияләнмәгән чүплекне бетерү кирәклеге турында кисәтү бирделәр.