Арча районында санкцияләнмәгән чүплекләрне бетерделәр
Моңа кадәр санитар-экологик икеайлык барышында ТР Экология министрлыгының Төньяк идарәсе инспекторлары Арча районы территориясендә берничә хокук бозу очрагын ачыклаганнар иде.
Олы Бирәзә авылында рөхсәтсез каты көнкүреш калдыклары чүплеге табылды. Калдыкларны җыю урыны булган җир кишәрлеге чикләнмәгән дәүләт җирләренә керә. Арча районы башкарма комитетына табигатьне саклау законнарын үтәү һәм хокук бозуларны бетерү кирәклеге турында кисәтү җибәрелде. Шуннан соң билгеләнгән вакытта чүплек бетерелде.
Васильев Бужа авылы янындагы территориядә биналарны җимерүдән калган калдыкларны рөхсәтсез урнаштыру факты ачыкланды. Арча шәһәре башкарма комитеты адресына табигатьне саклау законнарын үтәү һәм хокук бозуларны бетерү кирәклеге турында кисәтү җибәрелде. Билгеләнгән вакытта чүплек шулай ук бетерелгән.