ТР Экология министрлыгы инспекторлары халык мөрәҗәгате буенча Баулы районында чүплек таптылар

2025 елның 5 мае, дүшәмбе

«Халык контроле» мәгълүмат системасы аша килгән мөрәҗәгать нигезендә Ык буе идарәсе инспекторлары Кызылъяр авыл җирлеге территориясенә чыктылар. Экологлар гомуми 833 кв.м мәйданда рөхсәтсез калдыклар ташлау урынын таптылар. 

Баулы районы башкарма комитеты адресына калдыклар чүплеген бетерү юлы белән табигатьне саклау законнарын бозуларны бетерүгә дәгъва белдерелде.