Балтач укучылары юннатлар хәрәкәтенә кушылды
Балтач гимназиясендә укучылар тантаналы рәвештә юннатларның экологик хәрәкәте сафларына керделәр. Яңа гына барлыкка килгән табигать сакчылары алдында ТР Экология министрлыгының Төньяк идарәсе һәм «Балтач» дәүләт табигать тыюлыгы инспекторлары чыгыш ясады. Аннары балалар ант иттеләр һәм юннатка алындылар.
Чара кысаларында мәктәп укучылары табигатьнең туган почмакларына багышланган якты фотокүргәзмә әзерләделәр, шулай ук үзләренең экологик кул эшләре белән таныштырдылар. Хәзер балалар әйләнә-тирә мохитне саклау һәм яклау буенча эш алып барачаклар.
Юннатлар – безнең илдә 100 ел элек барлыкка килгән балалар хәрәкәте, әмма бүген дә яшь натуралистларның эше актуаль һәм планетага кирәк. Бу еллар эчендә хәрәкәт төрле яшьтәге балалар катнаша алырлык күпсанлы тикшеренү юнәлешләре белән Бөтенроссия масштабын саклап калды. Татарстанда инде 2,5 меңнән артык бала юннат бар. Бу яшь буынның туган табигатен саклап калуга мәхәббәтен һәм омтылышын үстерергә ярдәм итә, "Экологик иминлек" илкүләм проекты максатларына туры килә.