Буа мәктәпкәчә яшьтәге балалары урманда янгын куркынычсызлыгы турындагы белемнәре белән уртаклаштылар
Экологик икеайлык кысаларында территорияләрне җыештыру һәм табигатьне саклау кагыйдәләрен бозуларны ачыклау чаралары гына түгел, ә агарту чаралары да үткәрелә. Урманнарда янгын куркынычы югары булган чорда табигатьтә үз-үзеңне тоту кагыйдәләре турында олыларга гына түгел, балаларга да сөйләү мөһим.
Буаның «АБВГДЕЙКа» балалар бакчасында ТР Экология министрлыгының Идел аръягы идарәсе инспекторлары һәм өлкән төркем балаларының мавыктыргыч очрашуы узды. Балалар урмандагы төрле хәлләргә багышланган спектакль күрсәттеләр. Балалар янгын куркынычсызлыгына аерым игътибар бирделәр: алар "Приключение с Огоньком" әкиятенең театраль куелышын күрсәттеләр. Мәктәпкәчә яшьтәге балалар үз-үзләрен тоту кагыйдәләрен өйрәнгәннәрен һәм ашыгыч хәл белән очрашырга туры килсә, аларны ничек кулланырга мөмкин булуын ачык күрсәттеләр.
Балалар табигатьтә куркынычсызлыкның төп кагыйдәләрен яхшы белүләрен күрсәттеләр, шулай ук инспекторлардан яңа белемнәр алдылар. Мондый очрашулар еш кына Министрлык тарафыннан «Экологик иминлек» илкүләм проектына ярдәм йөзеннән үткәрелә. Тамашалардан соң мәктәпкәчә яшьтәге балалар экологлардан истәлекле бүләкләр алдылар.