Буа районының Күшке авылы территориясендә экологик икеайлык барышында инспекторлар рөхсәтсез калдыклар ташлау урынын ачыкладылар

2025 елның 24 апреле, пәнҗешәмбе

Экология министрлыгының Идел аръягы идарәсе инспекторлары Буа районының Күшке авылында туфракның сортлаштырылмаган көнкүреш калдыклары белән (эре габаритлылардан башка) пычрануын ачыкладылар. Санкцияләнмәгән чүплекнең мәйданы 870 квадрат метр тәшкил итә. 

Буа муниципаль районының Күшке авыл җирлеге башкарма комитетына табигатьне саклау законнарын бозуга юл куймау турында кисәтү бирелде. Администрация ачыкланган хокук бозуны бетерү буенча чаралар күрергә тиеш. ТР Экология министрлыгы күрсәтмәнең үтәлешен тикшереп тора.