Бүген Казанда Төньяк Евразиянең XVI халыкара орнитология конференциясе ачылды
Конференция КФУ мәйданчыгында уза, анда 9 ил вәкилләре катнаша.
Конференциядә галимнәр кошларны өйрәнүдә зоологиянең фундаменталь мәсьәләләре, кошларны өйрәнүдә гамәли аспектлар – канатлыларны һәм аларның яшәү урыннарын саклау, теге яки бу төрләрне Кызыл китапка кертү, кошларны рациональ куллану, медицина һәм авиация орнитологиясе, кошлар һәм авыл хуҗалыгы, кошлар һәм аучылык, кошлар үрчетү һәм башкалар турында фикер алышачаклар. Аерым секциядә экологик белем бирү, мәктәптә кошларны өйрәнү, бердвотчинг һәм орнитологик туризм мәсьәләләре тәкъдим ителәчәк. Түгәрәк өстәлләр эше кысаларында Татарстанда «Экологик иминлек» илкүләм проектына ярдәм йөзеннән гамәлгә ашырыла торган лачын-балобанны реинтродукцияләү проекты тәкъдим ителәчәк.
Халыкара конференциядә катнашучыларга сәламләү сүзе белән бүген экология министры урынбасары Алмаз Тугушев мөрәҗәгать итте. Ул әйдәп баручы галимнәр, экологлар, табигатьне саклаучылар очрашуының кошларны өйрәнү һәм саклау буенча көчләрне берләштерүдә мөһимлеген билгеләп үтте.
«Безнең республикада биологик төрлелекне саклап калуга зур игътибар бирелә. Анатолий Иванович Щеповских исемендәге Әйләнә-тирә мохитне саклауга ярдәм фонды тарафыннан «СИБУР» компаниясенең «Яхшы эшләр формуласы» конкурсы грантына балобан-лачынны табигый яшәү тирәлегенә реинтродукцияләү проектын гамәлгә ашыру мисалларның берсе булып тора. Бу проект хакимият, бизнес, фән һәм җәмгыятьнең уңышлы диалогы үрнәген ачык күрсәтә».
Ул барлык катнашучыларга да нәтиҗәле эш һәм конструктив диалог теләде! Конференция 3 көн дәвам итәчәк һәм 24 апрельдә тәмамланачак.