Чаллы мәктәп укучыларына экология министрлыгында эшләү турында сөйләделәр

2025 елның 17 апреле, пәнҗешәмбе

ТР Экология министрлыгының Кама буе идарәсендә Чаллыдагы 51 нче мәктәпнең 8 нче сыйныф укучылары булды. Балалар өчен мавыктыргыч экскурсия оештырылды, ул идарә структурасы һәм Министрлык инспекторларының эш үзенчәлекләре белән танышудан башланды. Укучылар актив рәвештә сораулар бирделәр һәм табигатьне саклау эшчәнлегендәге мөмкинлекләр белән кызыксындылар.

Аннары экскурсия идарә лабораториясендә дәвам итте, анда белгечләр су, туфрак, һава пробалары алу турында сөйләделәр, шулай ук аларның ничек анализлануын күрсәттеләр. Укучылар экскурсиягә бик шатландылар һәм идарә инспекторларына рәхмәт белдерделәр.