Азнакай студентлары экологлар белән бергә шәһәр елгасын чистарттылар

2025 елның 16 апреле, чәршәмбе

Санитар-экологик икеайлык кысаларында ТР Экология министрлыгының Ык буе идарәсе инспекторлары «Россия суы» бөтенроссия акциясендә катнаштылар.

Азнакай политехник техникумы студентлары белән бергә экологлар Азнакай шәһәрендә Кара елгасын чистарттылар. «Су» өмәсендә акциядә катнашучылар яр буйларын һәм елганың үзен чүпләп торган 15 капчыктан артык төрле чүп-чар җыя алды.

«Россия суы» бөтенроссия акциясе, башка күп кенә табигатьне саклау инициативалары кебек үк, төрле торак пунктларның экологик хәлен яхшыртуга юнәлдерелгән, бу исә «Экологик иминлек» илкүләм проектының максатларын хуплый.