Буа районы авылында экологлар 3 чүплек таптылар

2025 елның 16 апреле, чәршәмбе

Санитар-экологик икеайлык кысаларында ТР Экология министрлыгының Идел аръягы идарәсе инспекторлары Буа районының Зур Фролово авыл җирлеге территориясен тикшерделәр. Нәтиҗәдә экологлар калдыкларны 3 урында рөхсәтсез урнаштыруны ачыкладылар.
Беренче чүплек Гагарин урамында урнашкан, гомуми мәйданы 150 кв.м, күләме 1,5 куб.м.
Икенче чүплек Калинин урамындагы 2 нче йорт каршында урнашкан, гомуми мәйданы 6 кв.м, күләме 0,5 куб.м.
Өченче чүплек Яр буе урамында урын алган, гомуми мәйданы 35 кв.м, күләме 8 куб.м. 
Хокук бозу факты буенча экологлар Зур Фролово авыл җирлеге башкарма комитеты адресына мәҗбүри таләпләрне бозуга юл куелмау һәм санкцияләнмәгән чүплекләрне бетерү кирәклеге турында кисәтү бирделәр.

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International