Экологлар Чистайда чүплек таптылар

2025 елның 15 апреле, сишәмбе

Чистай шәһәре территориясен тикшерү барышында Идел-Кама идарәсе инспекторлары Маркин урамындагы контейнер мәйданчыгы янында рөхсәтсез калдыклар җыю урынын ачыкладылар. Пычранган кишәрлекнең гомуми мәйданы 100 кв.м, күләме 1 куб.м.

Экологлар Чистай шәһәре башкарма комитеты адресына табигатьне саклау законнарын бозуның ярамавы һәм чүплекне 60 көн эчендә бетерү кирәклеге турында кисәтү бирделәр.