«ЭКОЯЗ 2025» экологик конкурсы кысаларында катнашучылар истәлекле урыннарны матурлыйлар
Катнашучылар «Экояз»ның икенче атнасын актив тәмамлыйлар. Конкурска төрле номинацияләрдә 834 заявка килгән. Күпләр Җиңү көненә әзерләнә һәм үз торак пунктларындагы мемориаль урыннарны тәртипкә китерә, шулай ук бүгенге көн геройларына – МХО сугышчыларына ярдәм итә.
Менделеевскида 1нче мәктәп педагоглары һәм укучылары Геройлар аллеясында өмәләр үткәреп, «Үлемсез полк» стенды һәм Геройлар һәйкәлләре янына җыелганнар.
Буада «Форпост» үзәге активистлары Бөек Ватан сугышы ветераны Мусина Рокыя Нигъмәтҗан кызының җирләнгән урынын тәртипкә китергәннәр.
Зеленодольск районының Раифа авыл җирлегендә «Витязи» экология отряды утильләштерү өчен калдыклар җыйган, шулай ук мөһим эшкә ярдәм итеп, җыелган калай банкаларны алар окоп шәмнәре ясау өчен кулланганнар. Балалар аларның тыйнак өлеше алгы сызыктагы сугышчыларга ярдәм итәр дип ышаналар.
«Экояз» экологик конкурсы инде традициягә әверелде һәм ел саен республика Рәисе Рөстәм Миңнеханов инициативасы белән һәм ТР Экология министрлыгы ярдәмендә үткәрелә. Конкурс чаралары «Экологик иминлек» илкүләм проекты максатларын үтәүгә юнәлдерелгән.