Бөек Җиңүнең 80 еллыгына багышланган «Кызыл канәфер» акциясе башланды
Бүгенге көннән Казанның Бауман, Кремль һәм Ирек мәйданнарында волонтерлар зур булмаган иганә акчаларына «Кызыл канәфер» билгеләрен таратачак. Акция Ватаныбызны саклаучылар өчен медицина ярдәме күрсәтү өчен акча җыюга юнәлдерелгән.
24 апрельдән 9 майга кадәр волонтерлар Хәтер һәм хәрби дан символы булган георгий тасмаларын бүләк итәчәк. Гомумән алганда, 100 меңнән артык тасма тарату планлаштырыла.
Исегезгә төшерәбез, «Буыннар хәтере» хәйрия фонды 2015 елдан Бөек Ватан сугышы һәм башка хәрби хәрәкәтләр ветераннарына медицина ярдәме күрсәтә. 9 ел эчендә бөтен ил буенча 19 меңнән артык ветеранга заманча протезлар, колак аппаратлары, югары технологияле коляскалар, медикамент комплектлары, шулай ук профильле медицина учреждениеләрендә дәвалану һәм тернәкләнү мөмкинлеге бирелде.