«Бердәмлек. Ризалык. Үсеш» халыкара хатын-кызлар форумына кушылыгыз
2025 елның 30 маеннан 1 июненә кадәр Екатеринбург шәһәрендә «Екатеринбург-ЭКСПО» халыкара күргәзмә үзәге мәйданчыгында
«Бердәмлек. Ризалык. Үсеш» халыкара хатын-кызлар форумы узачак.
Эш программасы кысаларында Россия Федерациясе Президенты В.В. Путин инициативасы белән башланган илкүләм проектларны гамәлгә ашыруга багышланган панель сессияләр узачак. Демографик вәзгыятьне яхшыртуда һәм гаилә институтын ныгытуда, сәламәтлекне саклау технологияләрен эшләүдә, экологик иминлек һәм яшәү өчен инфраструктура булдыруда, халыкара кооперацияне үстерүдә, патриотик тәрбиядә хатын-кыз роленә аерым игътибар биреләчәк. Формалаштырылган стратегик инициативалар форум нәтиҗәләре буенча резолюциядә тәкъдим ителәчәк. Моннан тыш, чара мәйданчыгында балалар һәм хатын-кызлар өчен инновацион товарлар күргәзмәсе булачак.
Форум турында тулырак мәгълүмат һәм сайтта катнашу өчен теркәлү: https://woman-forum.ru
Элемтә өчен - Вуберман Анна Борисовна, тел.: (343) 312-00-49 (өст. 10).
Форум Свердловск өлкәсе Хөкүмәте тарафыннан «Россия хатын-кызлары берлеге» оешмасының Свердловск бүлеге белән берлектә Шанхай хезмәттәшлек оешмасы әгъзалары дәүләтләренең хөкүмәт башлыклары советында Россия Федерациясе рәислеге химаясендә уздырыла. Чара дәүләтнең граждани-сәяси тормышында хатын-кызларның позицияләрен ныгытуга һәм җәмгыятьне үстерүдә аларның ролен күтәрүгә юнәлдерелгән.