Республика «ЭКОдулкыны»на кушылыгыз!
Татарстан Республикасы яшьләр экология оешмаларының «ЭКОдулкын» республика форумына заявкалар кабул ителә башлады. Форум 13-15 май көннәрендә «Байтик» сәламәтләндерү комплексында узачак. Быелгы программа яңача бай, кызыклы, ә иң мөһиме – Татарстанның барлык экоактивистлары өчен файдалы булырга вәгъдә итә. Катнашучылар яңа экотенденцияләр турында беләчәк, тәҗрибә уртаклашачак, шулай ук фикердәшләре арасында булып, үзләрен күрсәтәчәкләр һәм мотивация заряды алачаклар.
Форумда экологик тәрбия һәм табигатьне саклау чараларын үткәрү өлкәсендә эшчәнлек алып баручы 16 яшьтән алып 35 яшькә кадәрге студентлар, мәктәп укучылары, җитәкчеләр, белгечләр, кураторлар, иҗтимагый оешмаларда һәм берләшмәләрдә катнашучылар катнаша ала.
Форумда катнашу өчен гаризаны 23 апрельгә кадәр түбәндәге сылтама буенча бирергә мөмкин: https://clck.ru/3KJhWr.
Форумны Татарстан Экология һәм табигать ресурслары министрлыгы ярдәмендә «Чиста булачак» төбәк оешмасы, «Россия Студентлар Отрядлары» иҗтимагый оешмасы үткәрә. Чара «Экологик иминлек» илкүләм проекты максатларына туры килә.