Татарстан «Экояз»ны каршы ала! Кошлар өчен оялар ясыйбыз һәм табигатьне саклыйбыз!
Бүген Татарстанда «Экологик иминлек» иминлек проектына ярдәм йөзеннән «Экояз» республика конкурсы старт алды. Конкурс санитар-экологик икеайлык чорында экологик марафон форматында уздырыла. Быел «Экояз» Ватанны саклаучылар елына һәм Бөек Ватан сугышында Җиңүнең 80 еллыгына багышланган.
Бүген бөтен дөньяда Халыкара кошлар көнен билгеләп үтәләр. Әлеге бәйрәм хөрмәтенә конкурсның беренче атнасы канатлы дусларыбызга багышлана. Катнашучылар кошлар өчен уңайлы оялар ясап, табигать турында кайгырта алалар. Аларга җимлекләр һәм сыерчык ояларын үз куллары белән ясарга, аннары аларны паркларга һәм скверларга элеп куярга тәкъдим итәбез.
Катнашу өчен тиешле биремне үтәргә, үзеңнең «ВКонтакте» социаль челтәрендәге битеңә пост куярга һәм 6 апрельгә кадәр Eco.pros@tatar.ru почтасына хисап җибәрергә кирәк.
Табигатькә теләгән һәркем ярдәм итә ала. Конкурс түбәндәге номинацияләр буенча үткәрелә:
- «Экоярдәмче» (шәхси номинация): кече төркем (18 яшькә кадәр) һәм өлкән төркем (18 яшь һәм аннан өлкәнрәк);
- «Экоберләшмә» (коммерциячел булмаган оешмалар, хәрәкәтләр, мәктәп отрядлары һ.б.);
- «Экогаилә»;
- «Экокоманда» (мәгариф оешмалары): кече төркем (балалар бакчалары) һәм өлкән төркем (мәктәпләр);
- «Экопартнерлар» (массакүләм мәгълүмат чаралары): интернет басмалар һәм телевизион ММЧ;
- «Иң яхшы муниципаль берәмлек» (рейтинг санитар-экологик икеайлык кысаларында күзәтчелек эшчәнлеге йомгаклары буенча формалаша).
Конкурсның нечкәлекләре белән безнең сайтта танышырга мөмкин: https://eco.tatarstan.ru/2025-8229149.htm