Ел башыннан Министрлыкның экологик кабул итү бүлмәсенә 950 мөрәҗәгать кергән
Ел башыннан республика иҗтимагый экологик кабул итү бүлмәсенә 950 мөрәҗәгать килгән, шуларның 639ы инде хәл ителгән.
Министрлыкның интернет-кабул итү бүлмәсе аша 507 хәбәр килгән, 217 мөрәҗәгать «Мәктәп экопатруле» кушымтасына кабул ителгән. «Халык контроле» системасында 210 мөрәҗәгать теркәлгән һәм 16сы – «ПОС» кире элемтә платформасында.
Иң популяр категория булып калдыкларны рөхсәтсез урнаштыру мәсьәләсе кала – 391 хәбәр (шуларның 217се «Мәктәп экопатруле» кушымтасы аша кергән). Халык 172 тапкыр атмосфера һавасының сыйфатына, 139 тапкыр суның сыйфатына һәм 248 тапкыр башка мәсьәләләргә шикаять белән мөрәҗәгать иткән.
Исегезгә төшерәбез, иртәгә Татарстанда санитар-экологик икеайлык старт ала. Икеайлык кысаларында республика халкы шулай ук хокук бозуларны ачыклауда һәм республикабызның чисталыгын саклауда актив катнаша алачак. Барлык мөрәҗәгатьләрне без интернет кабул итү системасы аша кабул итәбез: https://eco.tatarstan.ru/priem.htm.