Суд хокук бозучыны Азнакай шәһәрендә Мәнәвез елгасындагы законсыз торбаларны бетерергә мәҗбүр итте

2025 елның 31 марты, дүшәмбе

Экология министрлыгының Ык буе идарәсе инспекторлары Азнакайны мониторинглау барышында табигатьне саклау законнарын бозуны ачыкладылар.

Экологлар Озерная урамындагы җир кишәрлегеннән алып Мәнәвез елгасының су саклау зонасына кадәр сузылган торбаларны таптылар. Шул рәвешле, тәртип бозучы канализация агынтыларын елгага ташлаган. Росреестр идарәсенә җибәрелгән сорау мәгълүматлары буенча территориянең физик зат милкендә булуы ачыкланды.

Экологлар хокук бозуны бетерүгә дәгъва юлладылар. Әмма дәгъва канәгатьләндерелмичә калды. Бу очракта инспекторлар Азнакай шәһәр судына дәгъва гаризасы җибәрделәр. Суд экологларның таләпләрен хуплады һәм хокук бозучыны законсыз торбаларны алырга мәҗбүр итте.

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International