Экология дөньясына беренче адымнар! Министрлык инспекторлары файдалы туклану турында экологик дәресләр үткәрде
Экология министрлыгының Идел аръягы территориаль идарәсе инспекторлары Буа шәһәренең «Ромашка» балалар бакчасында мавыктыргыч экология дәресе үткәрделәр. «Экологиядә файдалы һәм зарарлы продуктлар» темасы нәниләрдә зур кызыксыну уятты.
Дәрестә балалар туклану турында күп яңалык белделәр: төрле продуктларда нинди витаминнар бар, нәрсәләр файдалы, ә нәрсәдән баш тартуың яхшырак. Интерактив уен ярдәмендә балалар алган белемнәрен ныгыта һәм күңелле вакыт үткәрә алдылар.
Экологиянең беренче законына аерым игътибар бирелде: «Барысы да һәрнәрсәгә бәйле». Инспекторлар табигатьтәге теләсә нинди үзгәрешнең аның башка өлешләренә ничек йогынты ясавын ачык күрсәттеләр. Туклану чылбыры үрнәген кулланып, нәниләр кояшның куян һәм төлке кебек хайваннар туклана торган үсемлекләр өчен энергия чыганагы булуын аңладылар. Әгәр бу чылбырның бер звеносы юкка чыкса, бөтен системаның балансы бозыла.
Дәрес барышында балалар шулай ук урман һәм анда яшәүчеләр турындагы табышмакларны чишүдә актив катнаштылар. Аларның тырышлыгы бүләкләнде: активлык күрсәткәннәре өчен һәр бала Экология министрлыгыннан төсле буяулар алды.