Алабугада экологлар кисәтүеннән соң чүплек бетерелде

2025 елның 12 марты, чәршәмбе

Элегрәк Кама буе идарәсе инспекторлары Алабуга шәһәре территориясен караганда Чаллы шоссесы урамында урнашкан каты коммуналь калдыкларны җыю өчен контейнер мәйданчыгында  калдыкларны ташлау фактын ачыклаганнар иде.

Рөхсәтсез чүплек 202 кв.м. мәйданда оештырылган, күләме 26 куб.м.

Алабуга районы башкарма комитетына хокук бозуларны булдырмау турында кисәтү бирелде. Район башкарма комитеты чүплекне бетергән һәм контейнер мәйданчыгы территориясен тиешле хәлгә китергән.