Мамадыш районында рөхсәтсез калдыклар ташлау очрагы ачыкланды

2025 елның 4 марты, сишәмбе

Экология министрлыгының Кама буе идарәсе тарафыннан Мамадыш районын мониторинглау барышында Көек Ерыкса авыл җирлегендә законсыз чүплек ачыкланды. Төзелеш һәм көнкүреш калдыкларын туплауның гомуми мәйданы 890 кв.м, күләме 1 157 куб.м.

ТР Экология министрлыгының Кама буе идарәсе инспекторлары Мамадыш районы башкарма комитеты адресына табигатьне саклау законнарының мәҗбүри таләпләрен бозуга юл куймау һәм чүплекне бетерү турында кисәтү юлладылар.