Һәр бакчага һәм мәктәпкә экология дәресләре!

2025 елның 25 феврале, сишәмбе

Төньяк идарә инспекторлары Татарстанның берничә районында «Ашыт» дәүләт табигать тыюлыгы белгечләре белән мавыктыргыч экодәресләр үткәрде.

Шәдке авылы мәктәбендә һәм  балалар бакчасында орнитология фаунасы турындагы викториналар  узды. Дәрес барышында укучылар кошлар, аларның кыргый табигатьтә һәм шәһәр җирендә үз-үзләрен тотышы турында белемнәрен киңәйттеләр, шулай ук бик күп мавыктыргыч биологик фактларны белделәр.

Арча районының Өчиле гомуми белем бирү мәктәбендә белгечләр күренекле орнитологлар һәм һөнәр үзенчәлекләре турында сөйләделәр, шулай ук яңа белемнәрне ныгыту өчен «Кошларның гаҗәеп дөньясы» дигән уен-викторина үткәрделәр.