Рус кышы һәм язының матурлыгын чагылдырыгыз! «Россиянең су байлыклары» фотоконкурсында катнашыгыз
Росводресурсының «Россиянең су байлыклары (кыш-яз) – 2025» беренче Бөтенроссия фотоконкурсына гаризалар кабул итү дәвам итә. 16 мартка кадәр заявка җибәрергә өлгерегез һәм илебезнең су объектларының бөтен матурлыгын күрсәтегез. Профессиональ фотографлар да, 18 яшьтән өлкәнрәк һәвәскәрләр дә катнаша ала.
Конкурс ике номинациядә үткәрелә: «Инфраструктурадагы су объектлары» һәм «Табигатьтәге су объектлары». Беренче номинациядә торак комплекслар янындагы яисә торак пункт эчендә аккан елгалар сурәтләре күрсәтелергә мөмкин. Икенче номинациядә катнашу өчен су объектларының табигатьтәге сурәтләре кабул ителә. Җибәрелгән фотографияләр саны чикләнмәгән.
Катнашу өчен JPEG форматындагы сыйфатлы сурәтләр белән konkurs@favr.ru почта адресы буенча Яндекс.Дискка сылтама җибәрергә кирәк. Иң яхшы эшләрнең авторлары истәлекле бүләкләр алачак, ә аларның фотосурәтләре Росводресурсы фотобанкын тулыландырачак һәм Агентлыкның рәсми сайтында һәм социаль челтәрләрендә пәйда булачак.
Нәтиҗәләр 23 мартта ясалачак һәм Су ресурслары федераль агентлыгы сайтында (https://voda.gov.ru/) 2025 елның 31 мартыннан да соңга калмыйча бастырылачак.
Барлык нечкәлекләре Нигезләмәдә һәм сылтама буенча: https://disk.yandex.ru/d/2lyAzr-YdJ6mIg.
Белешмә: конкурс җәмәгатьчелек игътибарын экосистемада һәм кеше тормышында төп роль уйный торган су ресурсларын саклауның һәм рациональ файдалануның мөһимлегенә юнәлтергә тиеш, бу исә «Экологик иминлек» илкүләм проекты максатларына ирешүгә ярдәм итә.