Экология министрлыгы инспекторлары Нурлат мәктәбендә экология дәресе үткәрделәр
Нурлатта ТР Экология министрлыгының Көньяк-Көнчыгыш идарәсе инспекторлары тарафыннан оештырылган экология дәресе булды. Бу юлы 2 нче мәктәпнең беренче сыйныф укучылары белән мавыктыргыч очрашу узды.
Экологлар балаларга безнең һәрберебезнең әйләнә-тирә мохитне саклауга нинди өлеш кертә алуы турында сөйләделәр. Яшь булуларына карамастан, беренче сыйныф укучылары туган республиканы, димәк, тулаем экологияне сакларга кирәклеген аңлыйлар.
«Кызлар һәм малайлар кызыксынып тыңлап кына калмады, ә үзләре дә әйләнә-тирә мохитне саклау ысулларын тәкъдим иттеләр. Мәсәлән, балалар үз гаиләләрендә чүпне ни рәвешле җыюлары турында сөйләделәр. Кемдер азык калдыкларын кошларга ашата, ә башкалар чүпне фракцияләргә бүлә»,- дип билгеләп үтте Көньяк-Көнчыгыш идарәсе инспекторы Венера Мингалиева.
Экодәрес азагында балалар «Экология мәктәбе» китабын бүләк итеп алдылар.