Идел аръягы идарәсе инспекторлары Апас бистәсендә экология дәресләре үткәрделәр
Экологлар Апас штп «Радуга» һәм «Кояшкай» балалар бакчалары балаларына безнең һәрберебезнең планетабызга ничек тәэсир итә алуы турында сөйләделәр. Дәресләр башында инспекторлар әйләнә-тирә мохиткә саксыз караган герой турында видеоролик күрсәттеләр. Балалар шундук чәчәкләрне өзәргә һәм агачларны сындырырга ярамаганын, ә табигать турында кайгыртырга кирәклеген аңладылар.
Дәрестә экологлар су һәм электр энергиясен экономияләү кирәклеге турында сөйләделәр, шулай ук хайваннар дөньясыннан гаҗәеп фактлар белән уртаклаштылар. Балалар төлкенең шаккаткыч ишетә алу сәләте, аюның мәһабәт буе һәм фауна вәкилләренең башка кызыклы үзенчәлекләре турында белделәр. Табышмакларны чишеп һәм калдыкларны сортларга аерып, балалар табигатькә сакчыл караш турындагы белемнәрен күңелле һәм мавыктыргыч итеп ныгыттылар.
Экодәресләр азагында балаларга әйләнә-тирә дөньяны өйрәнүне дәвам итсеннәр өчен Экология министрлыгыннан төсле буяуларга буялырга тиешле рәсемле китаплар өләштеләр.