Ике инстанция судлары экологларның таләпләрен хуплады һәм Казан май комбинатын 11 миллион сум түләргә мәҗбүр итте
«Казан май комбинаты» акционерлык җәмгыяте Лаеш районында агынты суларны агызу эшендә катнашы булмавын исбатлый алмады.
Исегезгә төшерәбез, 2023 елның ноябрендә Үзәк идарә инспекторлары, халыкның канализация агынты суларын җирлек рельефына агызу турындагы мөрәҗәгатеннән соң, Лаеш районына юл тотты. Сәфәр барышында инспекторлар Лаеш районында янгын сүндерү шлангыннан суларның агып төшү фактын ачыкладылар. Агып төшүче су һәм туфрак пробалары алынды, хлоридлар, сульфатлар, нефть продуктлары буенча артым теркәлде. Туфракка китерелгән зыян 10 млн 884 мең сум тәшкил итә.
Министрлык Татарстан Республикасы Арбитраж судына әйләнә-тирә мохиткә китерелгән зыянны каплау турында дәгъва юллады. Экологларның дәгъва гаризасы канәгатьләндерелде. Әмма хокук бозучы суд акты белән килешмәде һәм Унберенче арбитраж апелляция судына апелляция шикаяте белән мөрәҗәгать итте. Суд апелляцияне хупламады һәм Министрлык позициясен хуплап, шикаятьне канәгатьләндермичә калдырды.