Сәнгать аша – яшел планетага! Теләчедә экология конкурсына йомгак ясалды
Теләче 1нче балалар бакчасында мәктәпкәчә учреждениеләр арасында «Сәнгать аша - яшел планетага» республика экологик сәхнә иҗаты конкурсын бүләкләү булды.
Балалар өч ай дәвамында табигатькә ничек ярдәм итә алулары турында видеоматериаллар җибәрделәр. Жюри конкурсантларны берничә критерий буенча бәяләде: экологик тематикага туры килү, актерлык осталыгы һәм сәхнә культурасы. Һәркем бәйгегә иҗади якын килгән, балалар шигырьләр укыдылар һәм театраль куелышлар күрсәттеләр. Чарада ата-аналар да катнашты: алар микрояшеллек үстерү һәм кул эшләре әзерләү буенча мастер-класслар күрсәттеләр.
Конкурс йомгаклары буенча җиңүчеләр:
- Татарстан Республикасы Теләче муниципаль районының 1 нче Теләче балалар бакчасы
- Татарстан Республикасы Мамадыш муниципаль районының Мамадыш шәһәре «Экият» 4 нче балалар бакчасы
- Татарстан Республикасы Саба муниципаль районының «Әкият» 1 нче Шәмәрдән балалар бакчасы
2 нче урында:
- Татарстан Республикасы Арча муниципаль районының Үрнәк балалар бакчасы
- Татарстан Республикасы Питрәч муниципаль районының «Родничок» Ленино-Кокушкино балалар бакчасы
- Татарстан Республикасы Теләче муниципаль районының 3 нче Теләче балалар бакчасы
- Татарстан Республикасы Арча муниципаль районының 8 нче Арча балалар бакчасы
- Татарстан Республикасы Арча муниципаль районының 2 нче Арча балалар бакчасы
3 нче урын:
- Татарстан Республикасы Саба муниципаль районының «Ромашка» Яулаштау балалар бакчасы
- Татарстан Республикасы Теләче муниципаль районының Иске Җөри балалар бакчасы
- Татарстан Республикасы Кукмара муниципаль районының Кукмара шәһәрендәге «Ромашка» гомуми үстерү төрендәге 10 нчы балалар бакчасы
- Татарстан Республикасы Саба муниципаль районының «Әллүки» Олы Шыңар балалар бакчасы
Татарстан Республикасы Питрәч муниципаль районының «Золотой ключик» балалар бакчасы.
Исегезгә төшерәбез, «Сәнгать аша - яшел планетага» конкурсы мәктәпкәчә яшьтәге балаларда экологик культура формалаштыру максатыннан үткәрелә, бу исә «Экологик иминлек» илкүләм проекты максатларына ирешүгә ярдәм итә. Оештыручылар – ТР Экология министрлыгының Төньяк идарәсе, Рус география җәмгыятенең ТРдагы төбәк бүлеге һәм төбәк әһәмиятендәге комплекслы профильле «Ашыт» дәүләт табигать заказнигы.