Экология министрлыгы командасы Дәүләт хезмәткәрләре спартакиадасы нәтиҗәләре буенча иң яхшылар унлыгында
Ел саен Экология министрлыгы хезмәткәрләре Татарстан Республикасы дәүләт хезмәткәрләре ярышларында актив катнаша. Спартакиада 9 спорт төре буенча уздырыла һәм узган ел анда республиканың 24 министрлыгы һәм ведомствосы командалары катнашты.
Экология министрлыгы командасы барлык ярышларда катнашып, 9 нчы урынны алды. Ярышларда Министрлык данын барлыгы 20 хезмәткәр яклады – бу 13 ир-ат һәм 7 хатын-кыз. Безнең күп кенә коллегаларыбыз Спартакиадада беренче тапкыр гына катнашмый һәм соңгы ике елда спортның күп төрләре буенча нәтиҗәләр яхшырды.
Министрлыкның Спартакиада кысаларындагы чыгышларын 2022 ел нәтиҗәләре белән чагыштырып, уңай динамика күзәтелә: гомумкоманда зачетында команда ике ел эчендә 13 нче урыннан 9 нчы урынга күтәрелде.
Быел безнең хезмәткәрләр ярышларның барлык этапларында да актив катнашалар. Март ахырында алар чаңгы ярышларында ярышачаклар, ә апрельдә шахмат тактасы артында үз көчләрен сынаячаклар.
Исегезгә төшерәбез, ел саен уздырыла торган Спартакиаданың төп максаты – коллективларда сәламәт яшәү рәвеше традицияләрен формалаштыру.