Бергә без дөньяны чистарак һәм яхшырак итәбез. Түбән Кама мәктәбендә экология дәресе узды
Түбән Каманың 28 нче мәктәбендә «Экология – яшәү тирәлеге» темасына экодәрес булып узды. Кама аръягы идарәсе инспекторлары безнең планета турында кайгыртуның мөһимлеге һәм аны саклау өчен безнең һәрберебезнең нәрсә эшли алуы турында сөйләделәр.
Эколог кем ул һәм бу һөнәр иясе нәрсә белән шөгыльләнә? Инспекторлар үз эшләре турында җентекләп сөйләделәр һәм әйләнә-тирә мохитне саклау тәҗрибәсе белән уртаклаштылар.
Дәрес уен-викторинасыз үтмәде. Балалар сирәк очрый торган хайваннар һәм үсемлекләр, чүп-чарны эшкәртү ысуллары турында белемнәрен күрсәттеләр һәм сәламәт яшәү рәвешен ничек алып барулары турында уртаклаштылар.
Экодәрес балаларда табигатькә җаваплы мөнәсәбәт формалаштыруга юнәлтелгән экологик агарту эшенең ачык мисалына әверелде, бу исә «Экологик иминлек» илкүләм проекты максатларына ирешүгә ярдәм итә.