Яңа сезон старты! Казанда «Эко-Шкодники» киножурналы премьерасы булды
В.Ленин исемендәге мәдәни-ял итү комплексында Мәдәни инициативалар президент фонды һәм Татарстан Экология министрлыгы ярдәмендә «Шкодники» һәм «Эко-Шкодники» юмористик балалар киножурналының яңа сезоны премьерасы булды. Чарада мәгълүмат системалары һәм экологик агарту идарәсе башлыгы Дамир Вәлиуллин катнашты.
Тамашачылар 22 нче сезонның киноновеллаларын карадылар, иҗади төркем белән аралашу, конкурсларда катнашу һәм киләсе сезоннарга кастинг узу мөмкинлеген алдылар. Холлда шулай ук «Казан әниләре» хәйрия иҗтимагый оешмасының иҗади эшләр ярминкәсе уздырылды.
«Эко-Шкодники» балалар киножурналы проекты балалар өчен булдырыла, бу катлаулы, ләкин бик мөһим теманы гади һәм аңлаешлы тел белән җиткерергә ярдәм итә. Киножурналның төп бурычларыннан берсе булып үсеп килүче буында экологик агарту һәм экокультура формалаштыру тора, бу исә «Экологик иминлек» илкүләм проекты максатларына ирешүгә ярдәм итә.
Бүгенге көндә электр энергиясен экономияләү, калдыкларны сортларга аеру, урманда үз-үзеңне тоту кагыйдәләре һәм экология темасына башка проектлар турында 12 фильм төшерелгән инде. Файдалы һәм кызыклы видеороликларны безнең сайтта сылтама буенча карарга мөмкин: https://eco.tatarstan.ru/multimedia.htm