Су – тереклек чыганагы! Экология министрлыгы инспекторлары Чаллыда экологик дәресләр үткәрде
Экология министрлыгының Кама буе идарәсе инспекторлары 125 нче «Затейники» балалар бакчасы нәниләренә суның гаҗәеп үзлекләре турында сөйләделәр.
Балалар әлеге кыйммәтле ресурсны ничек дөрес кулланырга икәнен белделәр. Алар суның үсемлекләр, хайваннар һәм кеше тормышында мөһим рольләрнең берсен уйнавын истә калдырдылар, шуңа күрә аңа аеруча сак карарга кирәклеген аңладылар.
Ә белемнәр җиңел һәм күңелле үзләштерелсен өчен, дәрес физик минут белән үрелеп барды. Актив уеннар һәм күнегүләр балаларга ял итәргә һәм алган белемнәрен ныгытырга ярдәм итте.
Дәрес азагында актив катнашулары һәм кызыксынучанлыклары өчен балаларга Экология министрлыгыннан төсле буяулар бүләк иттеләр.
Мондый экология дәресләре балаларга табигатьне саклауда үз рольләрен аңларга ярдәм итә һәм аларда әйләнә-тирә мохиткә җаваплы мөнәсәбәт формалаштыруга юнәлдерелгән, бу исә «Экологик иминлек» илкүләм проекты максатларына ирешүгә ярдәм итә.