Экология министры урынбасары Егор Тарнавский В.Г.Тимирясов исемендәге Казан инновацион университеты студентлары белән очрашты
Очрашу техносфера куркынычсызлыгы факультетының әйләнә-тирә мохитне саклау белән кызыксынган актив студентларын җыйды.
Очрашу барышында Егор Тарнавский ТР Экология министрлыгы эше турында җентекләп сөйләде, экологик проблемаларны хәл итүдә инновацион технологияләр мөһимлегенә игътибар юнәлтте. Студентларга «Экояз», «Эколидер», «Мәктәп экопатруле» кебек республика экология конкурслары, «Чиста мирас» олимпиадасы турында сөйләделәр. Алар бу инициативаларның экологик культураны һәм табигатькә сакчыл мөнәсәбәтне үстерүгә ничек ярдәм итүен белделәр.
Цифрлаштыру мәсьәләләренә аерым игътибар бирелде. Егор Тарнавский экология тармагының яңа цифрлы платформасын тәкъдим итте. Платформа өч төп ярдәмче системаны берләштерә: «Җир асты байлыклары», «Күзәтчелек» һәм «Экомониторинг», табигать ресурслары белән идарә итүгә һәм алардан файдалануны контрольдә тотуга комплекслы якын килүне тәэмин итә. Бу платформа экологик контрольгә һәм идарәгә заманча якын килүне күрсәтә.
Очрашу ахырында министр урынбасары киләчәккә планнары белән уртаклашты һәм студентларны хезмәттәшлеккә чакырды, аларга университетны тәмамлаганнан соң ведомствода эшкә урнашу өчен кызыклы мөмкинлекләр тәкъдим итте. Очрашу Экология министрлыгы һәм әйләнә-тирә мохитне саклау өлкәсендә булачак белгечләр арасында нәтиҗәле хезмәттәшлекнең яхшы үрнәге булды.