Ел башыннан Министрлыкның экокабул итү бүлмәсенә 160 мөрәҗәгать килде
Ел башыннан республика иҗтимагый экологик кабул итү бүлмәсенә 160 мөрәҗәгать керде, аларның 53е инде хәл ителгән.
Министрлыкның интернет-кабул итү бүлмәсе аша 96 мөрәҗәгать килгән. «Халык контроле» системасында 47 сорау теркәлгән. «Мәктәп экопатруле» мобиль кушымтасында 14 мөрәҗәгать кабул ителгән һәм 3 сорау «ПОС» кире элемтә платформасында килгән.
Иң күп мөрәҗәгатьләр санкцияләнмәгән чүплекләр темасына керә – 75 мөрәҗәгать. Шулай ук су буенча – 33, атмосфера һавасының сыйфаты буенча – 13 һәм башка мәсьәләләр буенча 39 хәбәр килгән.
Исегезгә төшерик, Экология министрлыгы «Вконтакте»да «Госуслуги. Решаем вместе» кушымтасын йөкләү өчен сылтамалар бар. Аның ярдәмендә теләгән һәркем сорау бирә һәм тормыш сыйфатын яхшыртуда катнаша ала.
Фото нейрочелтәр ярдәмендә ясалды.