Йөрәк җылылык һәм өмет белән тулы!
Экология министрлыгы хезмәткәрләре Республика балалар хастаханәсенең онкодиспансерында дәваланучы балаларга тылсым өләштеләр. Каты авырулар белән көрәшүче бу яшь геройлар бүләкләрне алып, әлеге авыр вакытларда аларга бераз шатлык һәм елмаю китергәндер, дип ышанабыз.
Һәрбер бүләк – аларның тормышындагы кечкенә генә яктылык нуры, аларны хәтерләүче һәм аларның көченә ышанучы кешеләрнең игътибар һәм кайгыртучанлык билгесе ул. Аларның батырлык һәм өмет белән тулы күзләренә карап, без ярдәм һәм игелекнең никадәр мөһим булуын аңлыйбыз.
Экология министрлыгының барлык хезмәткәрләренә, G командасы егетләренә һәм бу күңелне нечкәртә торган акциядә катнашканнарның барысына да рәхмәт! Бу сабыйларны игелек һәм кайгыртучанлык чолгап алсын, аларга көч һәм яхшылыкка ышаныч бирсен!
фото нейрочелтәр ярдәмендә ясалды