Ел башыннан Министрлыкның экокабул итү системасына йөздән артык мөрәҗәгать килде

2025 елның 20 гыйнвары, дүшәмбе

Ел башыннан республика иҗтимагый экологик кабул итү системасына 109 мөрәҗәгать керде.
 
 Министрлыкның интернет-кабул итү системасы аша 59 мөрәҗәгать килде. 41 мәсьәлә «Халык контроле» системасында теркәлгән. «Мәктәп экопатруле» мобиль кушымтасында 8 мөрәҗәгать һәм берсе «ПОС» кире элемтә платформасында кабул ителгән.
 
 Быел халык арасында санкцияләнмәгән чүплекләр темасы популяр мәсьәлә булып кала. Бу сорауга 37 мөрәҗәгать туры килә. Шулай ук су буенча – 28, атмосфера һавасының сыйфаты буенча – 11 һәм башка мәсьәләләр буенча 33 хәбәр килгән.
 
 Фото нейрочелтәр ярдәмендә ясалды.