Ел башыннан экологлар тарафыннан 9 меңгә якын мөрәҗәгать хәл ителгән
Ел башыннан республика иҗтимагый экологик кабул итү бүлмәсенә 9595 мөрәҗәгать килгән, аларның 93% ы инде хәл ителгән.
«Мәктәп экопатруле» мобиль кушымтасында 4562 мөрәҗәгать кабул ителгән. Министрлыкның интернет-кабул итү бүлмәсе аша 3495 мөрәҗәгать килгән. «Халык контроле» системасында - 1353, «ПОС» кире элемтә платформасында 185 сорау теркәлгән.
Халык арасында иң популяр сорау санкцияләнмәгән чүплекләр темасы булып кала бирә. Бу сорауга 6225 мөрәҗәгать туры килә. Шулай ук атмосфера һавасының сыйфаты буенча – 1299, су буенча – 971, башка мәсьәләләр буенча 1100 хәбәр килгән.
Бүгенге көнгә 8947 мөрәҗәгать экологлар тарафыннан каралган һәм хәл ителгән инде.
Исегезгә төшерәбез, Экология министрлыгы «Вконтакте»да «Госуслуги. Решаем вместе» кушымтасын йөкләү өчен сылтамалар бар. Аның ярдәмендә теләсә кайсы кулланучы тормыш сыйфатын яхшырту өчен сорау бирә ала.