Пермь – «Россиянең яшьләр башкаласы» исеменә дәгъвачы!
«Яшьләр вакыты» Бөтенроссия премиясе кысаларында Росмолодежь «Россиянең яшьләр башкаласы» махсус номинациясен гамәлгә куйды. Күпчелек тавыш биргән шәһәр 2025 елда эре чаралар уздыру хокукына, шулай ук яшьләр инфраструктурасын үстерү мөмкинлекләренә ия булачак.
Быел 17 номинант арасыннан экспертлар комиссиясе 5 финалистны сайлап алды, алар исәбенә Пермь шәһәре дә керде.
Иң яшь шәһәр өчен тавыш бирү Дәүләт хезмәтләре порталында 20 декабрьгә кадәр дәвам итәчәк: https://pos.gosuslugi.ru/lkp/polls/474115/. Һәрбер тавыш Пермьне җиңүгә якынайта һәм яшь буын өчен яңа мөмкинлекләр ача! Нәтиҗәләр 22 декабрьдә «Яшьләр вакыты» еллык премиясендә ясалачак.
Карточкадагы инструкцияләрне үтәгез һәм булачак яшьләр башкаласына ярдәм итегез!
Исегезгә төшерәбез, «Россиянең яшьләр башкаласы» махсус номинациясе Яшьләр эшләре буенча федераль агентлык тарафыннан 2022 елдан башлап «Яшьләр вакыты» Бөтенроссия яшьләр казанышлары премиясе кысаларында гамәлгә ашырыла һәм шәһәрнең һәм төбәкнең яшьләр сәясәте өлкәсен камилләштерү буенча иң күренекле казанышлары һәм масштаблы планнары булган шәһәрне ачыклауга юнәлдерелгән.