Экологлар кисәтүе буенча Казанның Совет районындагы чүплек бетерелде

2024 елның 9 декабре, дүшәмбе

Экология министрлыгы адресына Җиңү проспектындагы 50 нче балалар бакчасы янында төзелеш калдыкларын җыю турында халыктан мөрәҗәгать килде. 

Үзәк идарә инспекторлары күчмә тикшерү уздырды, аның барышында хокук бозу расланды. Чүплекнең гомуми мәйданы – 50 кв.м, күләме – 40 куб.м.

Шәһәр башкарма комитетына табигатьне саклау законнарының мәҗбүри таләпләрен бозуга юл куймау турында кисәтү бирелде. Бүгенге көндә чүплек урыны тәртипкә китерелгән.