Кечкенә адымнар – зур җиңүләр: Ык буе идарәсе хезмәткәрләре укучыларны табигать турында кайгыртырга өйрәтә
Ык буе территориаль идарәсе хезмәткәрләре Баулының 5нче мәктәбендә экология мәсьәләләренә багышланган дәрес үткәрделәр.
Дәрестә балалар һәр кешенең, олымы ул, баламы, җирдә тәртип саклауда мөһим роль уйнавын белделәр. Хезмәткәрләр табигатьнең даими кайгыртуга мохтаҗ булуына игътибар итеп, әгәр һәркем аны саклый башласа, планета тагын да матуррак һәм чистарак булачак. «Һәр укучы һәм өлкән кеше, кечкенәдән башлап, чүп-чарны сортларга аеру, кышын кошлар өчен җимлекләр булдыру һәм язын агачлар утырту буенча үз экологик өлешләрен кертә ала», – дип билгеләде экологлар.
Балалар табигатькә ярдәм итү буенча үзләренең шәхси тәҗрибәләре турында сөйләп, чарада актив катнаштылар. Дәрес файдалы һәм илһамландыргыч булып чыкты, чөнки ул кечкенә генә адымнар да планетабызның чисталыгын һәм матурлыгын саклап калуга сизелерлек йогынты ясый алуын ачык күрсәтте.