Бөтенроссия экодиктанты башланырга 2 атна калды. Россиянең табигате турындагы белемнәребезне тикшереп карыйк!
25 ноябрьдә «Ленин» атом боз ватучысында Бөтенроссия экологик диктантына рәсми старт биреләчәк. Табигатьне саклау эшендә иң зур мәгърифәтчелек проекты инде 6 нчы тапкыр рәттән узачак.
Экодиктант уздыруның бу сезонында Россиянең Тыюлык территорияләре, РФ Кызыл китабы һәм экотуризм мәсьәләләренә басым ясалды. Оештыручылар билгеләп үткәнчә, билгеләнгән темалар катнашучыларга күп яңа нәрсәләр белергә мөмкинлек бирәчәк, шулай ук белемнәрне бик яхшы тикшерү булачак.
25 ноябрьдән 8 декабрьгә кадәр онлайн-форматта экодиктантны теләгән һәркем уза алачак. Моннан тыш, үз офлайн-мәйданчыгыңны да теркәргә мөмкин. Барлык нечкәлекләр сайтта: https://экодиктант.рус/.
Бөтенроссия экология диктанты Федерация Советы ярдәмендә үткәрелә һәм экологик культураны формалаштыруга, халыкның төрле катламнары арасында табигатьне саклау эшчәнлеген популярлаштыруга һәм «Экология» илкүләм проекты максатларына ирешүгә юнәлдерелгән.
2023 елда проектта дөньяның 182 иленнән 5 млн кеше катнашкан. 4 меңнән артык офлайн-мәйданчык теркәлгән, шул исәптән БДБ, ШОС һәм БРИКС илләрендә дә.