Экологлар кисәтүе буенча Урыссу шәһәр тибындагы бистәсендә чүплек юк ителде

2024 елның 7 ноябре, пәнҗешәмбе

ТР Экология министрлыгының Ык буе территориаль идарәсе инспекторлары Ютазы районының Урыссу штп. рөхсәтсез калдыклар чүплеген ачыкладылар. Эшләми торган нефть шламы амбары янында төзелеш һәм ремонт эшләреннән калган чүп-чар, кулланылган савытлар һәм төрү материаллары, шулай ук эшкәртелгән автомобиль покрышкалары теркәлде.

Пычрану мәйданы 54 кв.м тәшкил итә, чүплек күләме – 60 куб. м.

Территория милекчесе - Ютазы районы башкарма комитетына карата экологлар кисәтү юлладылар, аны үтәү йөзеннән чүплек бетерелгән.