Казанда «Яшел уеннар» чемпионнарын билгеләделәр
«Россия – минем тарихым» тарихи паркында экология отрядларының республика конкурсы туры узды. «Яшел уеннар»ның читтән торып үткәрелгән этабында 11 команда катнашты – иң яхшы 6 команда алга таба сайлап алынды.
Балтач, Зеленодольск, Кама Тамагы, Кукмара, Лаеш һәм Балык Бистәсе районнары отрядларына берьюлы биш конкурс сынавында үзләрен күрсәтергә туры килде. Бу «Визитка» - командаларның үз-үзләрен иҗади тәкъдим итүе, мәктәп укучыларының экология белемнәрен ачыклау өчен «Яшел бит» һәм «ЭКОлогика» конкурслары, ташландык материалдан иң яхшы эшләнмәләр -«Хлам-Art» ярышы һәм команда барлыкка китерүче конкурс.
Уеннар балаларның иҗади потенциалын гына түгел, һәр катнашучының экологик җаваплылыкның мөһимлеген тирән аңлавын да ачты.
«Сезнең чыгышларыгыз үзенең оригинальлеге һәм экологик фикерләүне сәнгать белән никадәр гармонияле тоташтыруыгыз белән тәэсирләндерә. Бу илһам заряды өчен рәхмәт сезгә!» - дип билгеләп үтте жюри әгъзасы, ТР Экология министрлыгының экологик агарту һәм иҗтимагый оешмалар белән хезмәттәшлек бүлегенең әйдәп баручы белгече Анастасия Мердюкова.
Фикер алышулардан һәм тавышларны санаудан соң 4 җиңүче команда билгеләнде:
1 урын – «Эковолонтерлар» экоотряды, Лаеш районының Никольский урта гомуми белем бирү мәктәбе
2 урын – «ЭКО СМС» экоотряды, 1 нче Балык Бистәсе гимназиясе
3 урын – «Стебелек» экоотряды, Кукмара районының «Галактика» балалар иҗаты үзәге һәм «Витязи» экоотряды, Зеленодольск районының Раифа СУВУ.
Барлык катнашучыларга да истәлекле бүләкләр тапшырылды.
«Яшел уеннар»ны оештыручылар – Республика мәктәптән тыш эшләр үзәге һәм Казан шәһәренең Яңа Савин районы Мәктәптән тыш эшләр үзәге.