Экологлар кисәтүе буенча Әлмәттә чүплек бетерелде

2024 елның 30 октябре, чәршәмбе

Әлмәтне мониторинглау барышында Экология министрлыгының Көньяк-Көнчыгыш идарәсе инспекторлары Риза Фәхретдин урамында рөхсәтсез калдыклар ташлауны ачыкладылар. Чүплекнең мәйданы 1440 кв.м тәшкил итә, күләме - 2160 куб.м.

Әлмәт районы башкарма комитеты адресына табигатьне саклау законнарының мәҗбүри таләпләрен бозуга юл куймау турында кисәтү җибәрелде.

Кабат урынга чыкканда чүплекнең тулысынча бетерелгәнлеге ачыкланды.